Back الصفيحة الإفريقية Arabic الصفيحه الافريقيه ARZ Afrika plitəsi Azerbaijani آفریقا صفحهسی AZB Африканска плоча Bulgarian Afrička ploča BS Placa africana Catalan Africká deska Czech Afrikanske plade Danish Afrikanische Platte German
| Placa africana | |
|---|---|
 | |
| Situación | |
| Tipu | placa tectónica |
| Datos | |
| Noamáu por | África |
 | |
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La placa Africana ye una placa tectónica continental que cubre'l continente africanu y que s'estiende escontra l'oeste hasta la dorsal mesoatlántica.
Les plaques estremeres son:
- Al Norte la placa Euroasiática y la placa Arábiga.
- Al Sur la placa Antártica.
- Al Este la placa Australiana, la placa India y la placa Arábiga.
- Al Oeste la placa Suramericana y la placa Norteamericana.
Toles llendes de la placa Africana son bien diverxentes, sacante'l que tien cola placa Euroasiática. La placa toma dellos bloques continentales estables de roques madres , que formaron el continente africanu mientres la esistencia de Gondwana hai unos 550 millones d'años. Estos bloques son, del Sur al Norte, el Kalahari, Congo, Sáḥara y el bloque africanu del oeste. Cada unu d'estos bloques pueden subdividise en bloques más pequeños y uniformes.
Unu de los aspeutos más importantes de la placa ye'l Gran Valle del Rift nel Este, una quebra que ta dixebrando a una porción del continente, y de la placa, que eventualmente va estremar la placa Africana en dos: la placa de Nubia y la placa Somalina. Anguaño munchos testos científicos yá explicitan estos dos plaques. Asina, por casu, dizse que l'estrechu de Xibraltar dixebra la placa Euroasiática de la placa de Nubia.
El movimientu de la placa africana ye de 2,15 centímetros al añu aproximao, escontra'l Norte. Espertos envaloren que se va xunir al estremu sur d'España dientro de 650.000 años, dixebrando'l mar Mediterraneu del océanu Atlánticu.